Go To  Home Page

ANG TALINO NG ISANG TAO
AYON SA DAMI NG KAALAMAN
HINDI SA TAAS NG PINAG-ARALAN
^_^
KUNG NAIS MONG BALIKAN ANG NAKARAAN
TINGNAN MO SARILI MO NGAYON YAN ANG EPEKTO NG IYONG NAKARAAN
KUNG NAIS MO MALAMAN KUNG ANO ANG IYONG MAGIGING BUKAS
TINGNAN MO SARILI MO NGAYON
NAKIKINITA MO NA KUNG ANO ANG IYONG MAGIGING BUKAS
^_^
HUWAG MO HUSGAHAN ANG KAPWA NG DAHIL LANG SA
KUNG ANO ANG NARINIG MO SA IBA
^_^
MABABASA MO ANG ISIPAN NG ISANG TAO
SA PAMAMAGITAN NG KILOS AT PAGSASALITA
^_^
DI BALENG WALANG TULOG
WAG LANG WALANG GISING
^_^
ALAM MO BA... ANG TAONG AYAW TUMANGAP NG PAGKATALO
AY ANG TAONG LAGING SUMISILIP NG KAMALIAN MO
^_^
ANG ATTITUDE KO NAKADEPENDE SA KUNG PAANO
MO AKO TRATUHIN
^_^
MINSAN.. ANG SIMPLENG PAYO MO SA IBA
IYON NAMAN ANG HINDI MO MAGAWA SA SARILI
^_^
HUWAG KANG MAKIKIPAGTALO KUNG SA REYALIDAD
HINDI MO MAGAWA SA SARILI ANG
IPINAGLALABAN MO

Wednesday 30 September 2009

GOD BLESS PHILIPPINES


ONDOY
Ang isang mapinsalang kalamidad na tumama sa ating bayan na
nagpahirap at puminsala sa ating mga kababayan huwag ka na
sanang bumalik sa aming bayan, hindi ka namin kailangan
marami kang pinaluhang mga kababayan namin masyado kang
mapaminsala, masyadong nakakaiyak ang ginawa mo sa naghihirap
naming bansa, masyado mong pinaluha ang mga kapatid naming
naghihirap, huwag ka ng babalik sa aming bansa.
!
Sa mga kababayan ko masyadong nakakaiyak ang sinapit ng mga
kapatid natin, masyado akong nanlumo at napaluha sa aking mga
napanood, halos hindi ko makuhang panoorin ang mga batang
nag iiyakan, mga magulang na nagiiyakan halos madurog ang
damdamin ko sa sinapit ng ating mga kababayan, masyado akong
napaluha kung bakit sa naghihirap pa nating kababayan nangyari ito.
Dalangin ko sa maykapal at ng iba pa nating mga kapatid dito sa malayo
ang kaligtasan ninyong lahat, sana gabayan kayong lahat na nasa
pilipinas, ilayo sana ang pilipinas sa mga ganyang pangyayari
sa susunod pang mga taon.
!
Tanging lakas ng ating panalangin ang magliligatas sa ating mga
kapatid, sana.. sa mga ganitong pangyayari sama sama tayong
lahat, magbuklod ang ating mga kamay at panalangin para sa
ating mga kapatid at mga mahal sa buhay na nasa pilipinas.
Sa mga ganitong pangyayari maging bukas sana ang ating mga
puso sa pagtulong sa mga nangangailangan ng tulong.
Sa mga kapatid nating nakakaluwag sana... sa pagkakataong ganito
buksan ninyo ang inyong puso, palawakin ninyo ang inyong awa
mga kapatid natin sila na humihingi ng ating awa, huwag nating
ipagkait ang ating awa sa mga kaawa-awa nating mga kababayan.
Buksan po natin ang ating mga puso sa mga mahihirap.
!
Dalangin ko sa maykapal ang agaran ninyong kaligtasan
sa mga pamilyang naapektuhan at lalong-lalo na sa mga
batang naging biktima ng kalamidad na ito, at sa mga taong
nagpakita ng katapatan na nagliligtas ng mga buhay
dalangin ko na sana pagpalain kayo ng poong maykapal
kasama ng inyong mga mahal sa buhay at sana...
umasenso ang inyong pamumuhay.
!
GOD BLESS PHILIPPINES

Saturday 26 September 2009

TIBAY NG RELASYON

Sa isang relasyon, mahalaga ang respeto, unawa
malasakit at awa. Mga importanteng bahagi ng pagmamahal.
Hindi narin siguro lingid sa atin ang mga bagay na yan, alam
kong alam na nating lahat, basta sinabing pagmamahal andiyan
na ang lahat ng sangkap, ngunit... bakit marami parin ang
hindi nakakagawa ng mga bagay na yan?
Alam lang ba nating sabihin pero hindi natin kayang gawin?
!
Paano nga ba titibay ang isang relasyon?
!
Sa tagal na ng pagsasama namin ng aking may bahay ni minsan
hindi pa kami nag away, ni minsan hindi pa kami nagsigawan
at ni minsan hindi pa kami nagkasakitan, sa salita man o sa gawa.
Pero yung tampuhan hindi maiiwasan natural na sa bawat tao yan.
Unang lingo o buwan naming nagsama ng aking may bahay tinanong ako
ng aking may bahay kung paano ba titibay ang aming pagsasama
yun bang hindi kami magkakagalit o mag aaway. Alam naman natin
na ang isang ugat ng paghihiwalay ay ang "KASALANAN". Iyan ang
dahilan ng pag aaway ng magkasintahan o ng mag asawa. Iyan din ang
magiging dahilan para mawala ang tiwala, paggalang, hanggang mawala
na ng lubusan ang pagmamahalan.
!
Isang bagay lang ang sinabi ko sa kanya para tumibay ang
pagmamahal ko sa kanya at titibay din ang pagmamahal niya
sa akin.
"LAHAT NG AYAW KO HUWAG MONG GAGAWIN"
"LAHAT NG AYAW MO HINDI KO GAGAWIN"
Hangang ngayon, sa tagal ng aming pagsasama
sa bawat naisin naming gawin ipapaalam namin sa isat-isa.
!
Sa pagmamahal...
Huwag mong gawin ang isang bagay na ikagagalit niya.
Ikaw ang unang rumespeto sa kanya
Ikaw ang unang umunawa sa kanya
Ikaw ang unang magmalasakit sa kanya
Ikaw ang unang mag pakita ng awa sa kanya
Huwag mong hintaying ibigay niya ang mga bagay na kaya
mong ibigay sa kanya. Yang mga bagay na yan ang mahirap
niyang makita sa iba asahan mo hindi ka niya ipagpapalit.
Minsan nagtampo siya sa akin, sinabi ko lang sa kanya na
ayaw ko ng nagtatampuhan tayo ng matagal, yon lang hindi
na muling naulit.
!
Isang bagay lang ang kahit ayaw ko pero wala akong
magawa, pag kumalabit, kahit ayaw ko wala akong magawa.
Sigurado wala akong almusal, walang sinangag,
''MAGSANGAG KA MAG ISA MO!!''
!
Pero.. pag napagbigyan mo naman pati mga manok maaga
pa krooookotokotok may almusal agad.
!
Yan din ang kabilin-bilinan ko sa tatlo kong anak
dala-dala nila sa kanilang isipan ang mga bagay na ayaw ko
kaya lumaki silang dala nila kung anong pagkatao meron
kaming mag asawa.
!
Ang panganay kong anak na babae na ngayoy
Assistant Manager sa isang pwesto sa aming bayan,
at ang pangalawa kong anak na lalaki na magtatapos
na sa darating na marso ng kursong Criminology
at ang bunso kong anak na nagmana sa akin ng
mga katarantaduhan at nasa kanya na lahat ng katigasan
ng ulo at kapilyuhan buwisit!

Thursday 17 September 2009

OPEN ARMS

Ayaw ko sanang mag kuwento dito ng mga bagay na
pumupukaw sa mga malalambot nyong damdamin,
hangat maari ayaw kong sirain ang masasaya ninyong
mga oras, ngunit lagi akong hinihikayat ng imahinasyon
ko na magsulat, stresstab kasi para sa akin ito.
!
Naalala ko nung minsan nanonood ako ng isang singing
contest sa television ang hinding hindi ko nakakalimutan
hangang sa ngayon. Isang batang nasa edad katorse ang
sumali sa isang patimpalak, Ang amature singing contest.
Bagamat may kaliitan at nasa edad pa na kung titingnan
mo ang kanyang mga katungali masasabi mong walang
kalaban-laban ang batang babae na ito.
!
Habang pinapanood ko ang mga naunang kontestant
humanga ako sa mga galing nilang kumanta, sa ganda
ng kanilang mga kasuotan lamang na sa puntos isama
pa ang kanilang kumikinang na kagandahan.
Matapos ang ilang mga kontestant sumunod ay ang
dalaginding na nasa edad katorse ang umakyat sa
intablado. Simpleng kasuotan, simpleng ayos ng mukha,
nag iisang sumali wala nino mang kasama kundi
ang lakas ng loob at determinasyon niyang sumali
ano man ang kahihinatnan ng kanyang pagsali.
!
Tumugtug ang mga instrumento, umpisa ng
kanyang pag awit, isang awit na may pamagat na
!
''OPEN ARMS''
Isang awit na tumatama sa klase ng kanilang
pamumuhay, isang awit na humihingi ng kalinga
ng mga taong nakakalimot sa kanila, isang awit
na nangangailangan ng atensyon.
!
Nag umpisa na siyang umawit
Wala pa sa kalahati ang kanyang inaawit,
nag umpisa na siyang lumuha, hindi na niya mapigilan
ang pagtulo ng luha sa kanyang mga mata, ayaw
nyang sirain ang kanyang awit, ngunit...
hindi na niya mapigilan ang kanyang pag iyak.
Habang patuloy na tumutugtug ang mga instrumento
lalong ayaw papigil ang mga luhang dumadaloy sa kanyang
mga mata, habang nakatayo patuloy na ang kanyang pagiyak
na tinakpan nalang niya ng dalawa niyang palad ang
kanyang mga mukha na tanging hagulhol nalang ang
naririnig sa mayk na kanyang hawak. Hindi na niya
makuhang umawit, ngunit nanatiling nakatayo, umiiyak.
!
Minarapat na ng mga emsi na lapitan nalang siya upang
mapawi ang kanyang pag iyak. May nagtanong sa dalagita
bakit ka umiiyak ineng? Bakit hindi mo itinuloy ang iyong
pagkanta?
Sumagot yung dalagita, "Hindi ko po makuhang tapusin
ang kinakanta ko"
!
Bakit?
( tanong ng isa pang emsi )
!
Naalala ko po nanay ko.
!
Asan ang nanay mo ineng?
(tanong ng isa pang emsi)
!
"Nakaburol po ngayon nanay ko"
Iniwan na po kami.
Sabay upo ng kaawa-awang bata na lalong
hindi mapigilan ang pagiyak sa sakit na
nararamdaman, sabay takip sa mukha upang
kahit papaano ayaw niyang ipakita sa tao ang
kanyang pag iyak. Isang batang babae na gustong
sumabay sa kasiyahang nagaganap,ngunit sa murang
edad hindi siya makawala sa sakit na nararamdaman
ang pagkawala ng kanyang ina.
!
Bakit andito ka?
Gusto ko pong magkapera para sa mga kapatid
ko kahit consolation prize lang po malaking
bagay napo sa amin, kahit hindi na po ako
manalo gusto ko ng umuwi wala pong
kasama mga kapatid ko ngayon sa amin.
!
Labis akong humanga sa ginawa ng batang
babae, sa murang edad taglay niya ang
determinasyon at lakas ng loob alang-alang
sa kanyang mga kapatid. Hindi alintana ang kahihiyan.
Alam ko, sa bawat batang katulad nila
may pasko ng kaligayahan ang naghihintay
sa kanila.
!
Lahat silang magkakapatid
kinalinga at pinag-aral ng isang
sponsor ng patimpalak.
Ang NATIONAL BOOKSTORE.


Sunday 13 September 2009

SA ARAW NG PASKO


Ilang araw na ang nakalilipas nakatangap ako ng isang tawag
mula sa pilipinas, isang ginang ang tumawag sa akin upang
kumustahin ang kaniyang asawa na halos mag dadalawang
buwan na raw na hindi nakikipag usap sa kanila.
Dahil kilala ko yung lalaki, minarapat nung ginang na ako
ang kausapin upang maiparating nila ang kanilang pag aalala,
pangungulila sa asawang nakalimot na sa kanyang responsibilidad.
Ayaw ko sanang isulat dito, sinubukan kong kausapin ang lalaki
ngunit hindi ako pinakikingan at hindi na muling nakikipagkita
sa akin. Minarapat ko nalang isulat dito, alam kong nababasa
niya ito.
!
Kaibigan para sa iyo ito,
Noong nasa pinas ka pa kasalukuyan kayong nakikibaka sa hirap
ng inyong pamumuhay, kasama mo ang iyong butihing maybahay
na sinusuong ang hirap ng inyong pamumuhay. Sa konting
kaligayahan na binibigay mo sa iyong asawat mga anak
inuunawa ka nila dahil alam at tangap naman nila kung ano
lang ang kaya mong ibigay sa kanila. Sa konting kaligayahang
ibinibigay mo sa kanila hindi ka nila iniiwan dahil alam mo kung
gaano ka rin kamahal ng iyong asawat mga anak.
Nung nabalitaan mo na isa ka sa mapalad na makaalis
dahil narin sa tulong ng pagdarasal ninyong mag asawa
pinakingan ang inyong panalangin.
Alam mo bang ang unang-unang natutuwa ay ang iyong
asawat mga anak? Dahil iyan na ang pagkakataon ninyo na
makaahon kayo sa hirap, iyan na ang pagkakataon mo na
mabibigyan mo narin ng kaligayahan ang iyong asawat
mga anak. Tuwang-tuwa ang iyong asawa
dahil kahit papaano mabibigyan nyo narin
ng maayos na kasuutan ang inyong mga anak.
!
Ngayong andito ka na... abot mo na ang kaligayahang
matagal nyo ng pangarap ngayon mo pa sila iiwan.
Ngayong nalalasap mo na ang kasaganaan sa iba mo pa
ibinibigay. Yang bago mong kinakasama ang binibigyan mo
ng kaligayahan kaysa sa sarili mong pamilya? Ipinagkait mo
sa mga anak mo ang mga pangarap nila, ipinagkait mo
sa iyong asawa ang kaligayahang ngayon lang nila matitikman.
Hindi ka ba naawa sa asawa mo't mga anak?
Alam mo ba kung gaano kasakit ang ibinibigay
mo sa kanila ngayong pasko?
Masaya ka sa piling ng bago mong minamahal
habang ang asawa't mga anak mo umiiyak. Iniwan mo
ang sarili mong pamilya sa gitna ng karagatan na walang
sagwan, walang makain, walang matakbuhan.
!
Kumakain ka ng masarap... hindi mo ba naiisip
kung kumakain din ba sila ngayon?
!
Masaya ka ngayon... hindi mo ba naiisip kung baka umiiyak
ang pamilya mo ngayon?
!
Iisa lang ang binangit niya sa akin
MERRY CHRISTMASS DAW
yan lang... umiiyak na siya.
!
Ngayong paskong darating nakikita ng asawa't mga
anak mo sa kanilang isipan na masaya ka sa araw
ng kapaskuhan.

Sana...
Sa paskong darating makita mo rin sa iyong isipan ang
larawan ng iyong asawa't mga anak.
!
IKAW ANG KALIGAYAHAN NILA
SA ARAW NG PASKO
!
Tawagan mo sila, kumustahin mo pamilya mo
baka.. "NAGUGUTOM".

Friday 11 September 2009

KASALANAN BA AY ISANG PAGKAKAMALI

Madalas nating naririnig sa mga kaibigan,
kakilala, o kung minsan sa mga mahal natin sa buhay
Kadalasan ang tao pag nakakagawa ng isang bagay
na makakasakit ng damdamin o nakakagawa
ng kasalanan, ang madalas nating naririnig sa
kanya..
"IM SORRY, PATAWARIN MO AKO
SA AKING PAGKAKAMALI"
Minsan naman..
"WALA NA BANG PANGALAWANG PAGKAKATAON
ANG NAGAWA KONG PAGKAKAMALI?"

Ang kasalanan nga ba ay isang pagkakamali?
Paano mo kaya nasabi na ang nagawa mong
kasalanan ay isang pagkakamali?
Naniniwala ako na ang pagkakamali ay hindi kasalanan.
Pero ang kasalanan ay hindi pagkakamali.

Isang kaibigan ko ang nagbigay sa akin ng isang halimbawa
na nauukol sa kasalanan na sinasabi nilang isang pagkakamali.
Halimbawa daw na ang isang gurly na nagmahal sa
isang lalaki na meron ng nagmamay-ari or kasal na sa isang
babae ang minahal niya ng hindi niya alam na
may asawa na yung lalaki. Maituturing daw na kasalanan iyon
dahil ang minahal niya ay lalaking may pananagutan na.
Para sa akin.. Hindi kasalanan nung gurly ang kanyang
nagawa. Iyon ang masasabi kong.. "pagkakamaling hindi
sinasadya". "Pagkakamaling hindi ko masasabing kasalanan
dahil hindi niya alam na may asawa na yung lalaki.
Pero kung alam nung gurlY na may asawa na yung lalaki
patuloy parin niyang inibig yan ang masasabi kong
kasalanan. Kasalanang hindi pagkakamali.
Kadalasan ang tao pagnakagawa ng kasalanan
madalas na sinasabi nila
IM SORRY NAGKAMALI AKO
PATAWARIN MO AKO SA AKING PAGKAKAMALI.

Tayong lahat alam naman natin kung ano ang mga
kasalanan, sa mata ng tao at sa mata ng diyos
maliit man o malaking kasalanan alam nating kasalanan
bakit pa natin ginagawa tapos sa huli sasabihing
nagkamali.
Ikaw.. naniniwala ka ba na ang kasalanan ay isang
pagkakamali?

Wednesday 9 September 2009

PAGPAPATAWAD

Isang parte ng buhay natin ang pagpapatawad
Isang parte rin ito ng pagpapakita ng pagmamahal
hindi lang para sa kapwa, para narin sa ating sarili.
Marami akong naririnig minsan na mahirap magpatawad
dahil sa sakit na naramdaman. Ayaw mong magpatawad
para maipakita mo sa tao ang nararamdaman mong galit.
Mahirap nga ba ang magpatawad?
Kung hindi mo magawang magpatawad hindi ka makakawala
sa anino ng iyong galit, kung hindi ka magpapatawad
hindi ka makakawala sa parusa ng sarili mong galit,
ang galit na nararamdaman ay isang malaking bagay na
hadlang sa iyong kaligayahan, malaking hadlang para
sa plano mong magmahal.
kung hindi mo magawang magpatawad habang panahon kang
hindi makakaramdam ng kapayapaan sa iyong isipan.
Hindi ka makakaramdam ng kasiyahan dahil nakakulong ka
sa galit na iyong nararamdaman, ikaw ang hindi malaya,
Ikaw ang magsa-suffer hindi siya.
sarili mo lang ang pinaparusahan mo. Ayaw mong mong
magpatawad dahil inaakala mo sa iyong isipan na kung
magpapatawad ka nangangahulugan ang kanyang pagkapanalo.
Subukan mong magpatawad, ikaw ang lubos na makakaramdam
ng kalayaan dulot ng galit para makontrol ang iyong sarili.
Kasiyahang regalo mo hindi lang don sa tao pati narin sa iyong sarili.
Marami ang nagsasabi na ''FORGIVE AND FORGET THE PAST''
Para sa akin
Magpatawad ka, pero.. huwag kang lumimot sa nakaraan.
YUNG TAO ANG KALIMUTAN MO
HINDI YUNG MEMORIES
Huwag mong kalimutan ang nakaraan para alam mo na
ang mga mali para bukas. Bigyan mo lang ng kalayaan ang
isipan mo sa galit hindi sa memories para alam mo kung
saan ka nasaktan noon at alam mo kung saan ka muling
magsisimula para maprotektahan ka from future bitterness.
Kung kakalimutan mo ang nakaraan, makakalimutan mo rin
kung paano ka nagpatawad, kung paano ka nakaramdam
ng kasiyahan, paano mo magagawa uli sa susunod.
Ang pagpapatawad ay nangangahulugan ng panibagong
bukas muli para makapagsimula.
MAGPATAWAD KA... PASKO NA
Photobucket